Trump njoftoi rritje të tarifave, Kina me tone të ashpra: Nëse SHBA kërkon luftë të çfarëdo lloji, do të luftojmë deri në fund!

Ambasada kineze në SHBA tha të mërkurën se Kina është “e gatshme të luftojë nëse kjo është ajo që duan Shtetet e Bashkuara”, një reagim që vjen pas tarifave të Presidentit Donald Trump për çështjen e fentanilit.

Ambasada kineze tha se Uashingtoni duhet ta trajtojë Kinën si të barabartë.

“Nëse SHBA-ja vërtet dëshiron të zgjidhë çështjen e fentanilit, atëherë gjëja e duhur për të bërë është të konsultohet me Kinën duke e trajtuar njëri-tjetrin si të barabartë. Nëse lufta është ajo që dëshiron SHBA-ja, qoftë ajo një luftë tarifash, një luftë tregtare, apo ndonjë lloj tjetër lufte, ne jemi gati të luftojmë deri në fund”, thuhet në postimin e ambasadës në X.

Ndërkohë, ministria e jashtme kineze e quajti çështjen e fentanilit ‘një justifikim i dobët’ për të rritur tarifat amerikane për importet kineze. Në një deklaratë, zëdhënësi i ministrisë tha se kundërmasat e Kinës për të mbrojtur të drejtat dhe interesat e vendit ishin plotësisht legjitime dhe të nevojshme.

“SHBA-ja, jo dikush tjetër, është përgjegjëse për krizën e fentanilit. Në frymën e humanizmit dhe vullnetit të mirë ndaj popullit amerikan, ne kemi ndërmarrë hapa të fuqishëm për të ndihmuar SHBA-në në trajtimin e çështjes. Në vend që të njohin përpjekjet tona, SHBA-ja ka kërkuar të njollosë dhe ia transferojë fajin Kinës dhe po kërkon të ushtrojë presion dhe shantazh ndaj Kinës me rritjen e tarifave. Ata na kanë dënuar që i kemi ndihmuar. Kjo nuk do të zgjidhë problemin e SHBA-së dhe do të dëmtojë dialogun dhe bashkëpunimin tonë kundër narkotikëve”, thuhet në deklaratë.

Administrata Trump ka vendosur një tarifë shtesë prej 10 për qind për mallrat kineze mbi 10 për qind që tashmë janë në fuqi. Tarifat e reja filluan të martën së bashku me ato në Kanada dhe Meksikë për të njëjtën çështje. Kundërmasat e Kinës kundër tarifave të Donald Trump përfshijnë tarifa hakmarrëse për një sërë produktesh bujqësore që Uashingtoni eksporton në Pekin.

If the U.S. truly wants to solve the #fentanyl issue, then the right thing to do is to consult with China by treating each other as equals.

If war is what the U.S. wants, be it a tariff war, a trade war or any other type of war, we’re ready to fight till the end. https://t.co/crPhO02fFE

— Chinese Embassy in US (@ChineseEmbinUS) March 5, 2025

© SYRI.net

Lexo edhe:

• Trump: Irani po bën lëshime shumë të mëdha
• Rubio: Grupi teknik për Iranin do të ritakohet javën e ardhshme
• Gjermania drejt pensionit në moshën 70-vjeçare, Merz: Reforma për të shpëtuar sistemin