Protestat e nxitura nga Sorosi/ Reagon Trump: Nuk do të funksionojnë

Washington Examiner

Presidenti Donald Trump dënoi demonstruesit që protestojnë ndaj Departamentit të Efiçencës së Qeverisjes (DOGE) të Elon Musk dhe sugjeroi se ata ishin "sherrxhinj profesionistë me pagesë".

Të hënën, Trump shkroi në mediat sociale duke kritikuar protestuesit që "po marrin pjesë në takimet e këshillave bashkiakë republikanë".

“Është e gjitha pjesë e lojës për demokratët, por ashtu si fitorja jonë e thellë në zgjedhje, nuk do të funksionojë për ta!” tha Trump në një postim për Truth Social.

Një mori ligjvënësish republikanë, që mbështesin DOGE-n e Musk, janë sulmuar në zyrat shtetërore dhe vendore javët e fundit. Pjesa më e madhe e aktivitetit anti-DOGE është udhëhequr nga ‘Indivisible’ dhe ‘MoveOn’, dy organizata të lidhura me miliarderin e krahut të majtë, George Soros.

Disa republikanë të Kongresit, të shënjestruar nga protestat e fundit, duke përfshirë Keith Self dhe Senatorin Roger Marshall shpërndanë me shpejtësi deklaratën e Trump të hënën.

"Demokratët përçarës po nxisin zemërim me të njëjtat taktika të vjetra dhe të lodhura të frikësimit," tha Self në një postim në X. "Por E VËRTETA është në anën tonë."

“Mbi 77 milionë amerikanë votuan për axhendën e presidentit Trump. Amerika është krenare për atë që Donald Trump po arrin!" shkroi ai.

Marshall shkroi një përgjigje me dy fjalë për postimin e presidentit dhe akuzoi "demonstruesit me pagesë" se u paraqitën në bashkitë republikane të hënën.

"Mund ta konfirmoj këtë," tha ai.

Musk ka deklaruar se kundërshtimi ndaj DOGE nuk është shkaktuar nga zemërimi organik i votuesve.

© SYRI.net

Lexo edhe:

• Trump: Irani po bën lëshime shumë të mëdha
• Rubio: Grupi teknik për Iranin do të ritakohet javën e ardhshme
• Gjermania drejt pensionit në moshën 70-vjeçare, Merz: Reforma për të shpëtuar sistemin