Izraeli ka zbuluar këtë javë një plan të ri armëpushimi, i cili sipas kryeministrit Benjamin Netanyahu është propozuar nga i dërguari i Presidentit amerikan Donald Trump, Steve Witkoff. Ky plan synon lirimin e gjysmës së pengjeve të mbetura nga Hamasi në këmbim të një zgjatjeje të armëpushimit dhe negociatave për një marrëveshje afatgjatë.
Shtëpia e Bardhë nuk e ka konfirmuar këtë propozim, por ka deklaruar se mbështet çdo veprim që ndërmerr Izraeli. Ndërkohë, Hamasi ka akuzuar Izraelin për sabotim të marrëveshjes ekzistuese, e cila parashikonte lirimin e të gjithë pengjeve në këmbim të një armëpushimi të plotë dhe një tërheqjeje izraelite nga Gaza.
Në terren, Izraeli ka ndërprerë furnizimet me ushqime, karburant dhe ilaçe për Gazën dhe është zotuar për “masa të mëtejshme” nëse Hamasi refuzon planin e ri. Ndërkohë, vendet arabe po punojnë për një kundërpropozim për Gazën e pasluftës, i cili përjashton mundësinë e zhvendosjes së popullsisë dhe propozon një autoritet kalimtar palestinez për administrimin e territorit.
Situata mbetet e tensionuar, ndërsa pritet reagimi zyrtar i Hamasit dhe fuqive ndërkombëtare ndaj këtij plani të ri./ AP - Syri.Net
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Trump: Irani po bën lëshime shumë të mëdha
Rubio: Grupi teknik për Iranin do të ritakohet javën e ardhshme
Gjermania drejt pensionit në moshën 70-vjeçare, Merz: Reforma për të shpëtuar sistemin