Pas Amerikës, debati për abuzimet me fondet e taksapaguesve nga të ashtuquajturat organizata joqeveritare është ndezur edhe në Gjermani.
Në një letër të firmosur nga kancelari i zgjedhur i CDU/CSU, Friedrich Merz, kërkohet informacion nga qeveria në detyrë se ku shkojnë fondet e dhëna tek OJF-të.
Në një katalog me 551 pyetje kërkohet llogari se përse fondet e taksapaguesve gjermanë shkojnë për disa OJQ, të cilat i përdorin këto para për të nxitur protesta dhe urrejtje ndaj të djathtës.
Po ashtu në dokumentin e CDU/CSU kërkohet llogari nëse këto organizata mbajnë të dhëna të sakta për mënyrën se si i shpenzojnë paratë e taksapaguesve gjermanë.
Por gazeta gjermane BILD shkruan se qeveria në detyrë e të majtës në Gjermani ka ngritur duart lart. Ata thonë se nuk e dinë se si shpenzohen këto para nga OJQ-të.
“Kjo do të thotë se qeveria nuk ka, ose ka njohuri jo të plota, se çfarë ndodh me fondet e shpërndara nga ministritë (përfshirë Ministrinë e Jashtme dhe Ministrinë e Familjes) dhe kujt i kalojnë ato,” shkruan BILD.
“Për më tepër, Qeveria Federale e pranon se termi organizatë joqeveritare [...] nuk është përcaktuar qartë në ligj [...] Kjo do të thotë se qeveria nuk e di se çfarë është në të vërtetë e ashtuquajtura OJQ!” thekson më tej gazeta.
Zyrtari buxhetor i CDU-së, Andreas Mattfeldt (55) tha për BILD: "Buxheti federal nuk është një makineri parash e OJQ-ve, që mund ta përdorin sipas dëshirave”.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Trump: Irani po bën lëshime shumë të mëdha
Rubio: Grupi teknik për Iranin do të ritakohet javën e ardhshme
Gjermania drejt pensionit në moshën 70-vjeçare, Merz: Reforma për të shpëtuar sistemin