Takimi mes presidentit amerikan Donald Trump, presidentit ukrainas Volodymyr Zelensky dhe zëvendëspresidentit JD Vance eskaloi në një debat të fortë dhe tensionuar, duke nxjerrë në pah dallimet e thella mbi qasjen ndaj diplomacisë dhe politikës ndërkombëtare. JD Vance theksoi se negociatat ishin të nevojshme dhe se politika e Joe Biden, e fokusuar në retorikë dhe jo në veprime konkrete, kishte dështuar. “Ajo që e bën Amerikën një vend të mirë është angazhimi i Amerikës në diplomaci. Kjo është ajo që po bën Presidenti Trump,” tha ai.
Por Zelensky nuk u pajtua, duke argumentuar se Rusia, nën drejtimin e Vladimir Putin, ka thyer vazhdimisht marrëveshjet ndërkombëtare. “Pra, për çfarë lloj diplomacie, JD, po flisni?” pyeti ai, duke shtuar tensionin në dhomë.
Vance shpërtheu menjëherë, duke akuzuar Zelenskyn për “mosrespektim” dhe për përdorimin e takimeve për “tura propagandistike”. Kjo bëri që Trump të ndërhynte, duke i thënë Zelensky-t: “Mos na thuaj se çfarë do të ndjejmë. Ju nuk jeni në gjendje të diktoni se çfarë do të ndiejmë… Po luani kumar me jetët e miliona njerëzve, po luani me Luftën e Tretë Botërore.”
Debati u intensifikua kur JD Vance e akuzoi Zelensky-n për mosfalënderim për mbështetjen e Shteteve të Bashkuara, pavarësisht falënderimeve të përsëritura nga presidenti ukrainas. “A keni thënë faleminderit një herë?” pyeti Vance.
Takimi, që filloi me një ton të moderuar, shpejt u shndërrua në një përplasje të hapur mes të pranishmëve, duke theksuar thellësinë e ndarjeve të opinionit mbi qasjen e SHBA ndaj luftës në Ukrainë dhe diplomacisë me Rusinë.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Trump: Irani po bën lëshime shumë të mëdha
Rubio: Grupi teknik për Iranin do të ritakohet javën e ardhshme
Gjermania drejt pensionit në moshën 70-vjeçare, Merz: Reforma për të shpëtuar sistemin