Trump pret Macron: Lufta në Ukrainë mund të mbarojë brenda disa javësh nëse jemi të zgjuar

Presidenti amerikan, Donald Trump, u takua me homologun francez, Emmanuel Macron në Zyrën Ovale.

Çështja e luftës në Ukrainë ishte temë kryesore e bisedimeve mes tyre.

"Unë mendoj se lufta [në Ukrainë] mund të përfundojë së shpejti, brenda javësh, nëse jemi të zgjuar," u tha Trump gazetarëve në Zyrën Ovale.

"Nëse nuk jemi të zgjuar, do të vazhdojë...ne nuk e duam këtë," thotë ai, duke shtuar: "Mos harroni atë që thashë, kjo mund të përshkallëzohet në një luftë të tretë botërore, ne nuk e duam as atë.

Trump thotë se pret që presidenti ukrainas Volodomyr Zelensky mund të vijë në Uashington "këtë javë ose javën e ardhshme" për të nënshkruar një marrëveshje me SHBA-në mbi mineralet e rralla të Ukrainës.

Ai shtoi se nuk është i sigurt se kur do të takohet me presidentin rus Vladimir Putin, megjithëse më parë tha se mund të ndodhte në Arabinë Saudite.

“Nuk e di kur do të flasim”, tha ai. "Në një moment do të takohem me presidentin Putin."

© SYRI.net

Lexo edhe:

• Rubio: Grupi teknik për Iranin do të ritakohet javën e ardhshme
• Gjermania drejt pensionit në moshën 70-vjeçare, Merz: Reforma për të shpëtuar sistemin
• Ukraina po godet pikat e dobëta të Putin, por i mungojnë ushtarët për të fituar territor