Hamas: Netanyahu po saboton marrëveshjen e paqes, po përgatit atmosferën për kthimin në luftë

Zyrtari i Hamasit, Basem Naim ka folur me Al Jazeera për marrëveshjen e pasigurt të armëpushimit të Gazës, e cila duket gjithnjë e më shumë se do të shembet. Si kujtesë, Benjamin Netanyahu ka vonuar dorëzimin e 620 palestinezëve për një kohë të pacaktuar, pasi ai po kërkon nga Hamasi të ndalojë, atë që ai e quajti "përdorimin cinik të pengjeve për propagandë".

Naim - një anëtar i byrosë politike të Hamasit - tha se kryeministri izraelit po "saboton qëllimisht" marrëveshjen e armëpushimit.

‘Para se të kalojmë në hapin tjetër, duhet të sigurohemi që hapi i kaluar, i cili lironte 620 të burgosur. Sepse Netanyahu po dërgon qartë mesazhe të forta se ai po saboton qëllimisht marrëveshjen; ai po përgatit atmosferën për kthimin në luftë. Prandaj, cilat janë garancitë që ai mund të marrë katër trupat e tjerë dhe të mos lirojë përsëri numrin e rënë dakord të palestinezëve, plus 620 palestinezët’?

Lirimi i 620 të burgosurve palestinezë ishte vonuar për disa orë dhe ishte menduar të ndodhte vetëm pasi gjashtë pengje izraelitë u liruan të shtunën. Ai ishte menduar të ishte lirimi më i madh njëditor i të burgosurve, në fazën e parë të armëpushimit të Gazës. Pesë nga gjashtë pengjet e liruar të shtunën ishin shoqëruar nga militantë të maskuar dhe të armatosur përpara një turme – një shfaqje që OKB-ja dhe Kryqi i Kuq e kanë kritikuar si mizore, pas dorëzimeve të mëparshme.

Hamasi kishte thënë më parë se do të lëshonte katër trupa këtë javë, duke përfunduar fazën e parë të armëpushimit, por kjo tani është në dyshim. Netanyahu është shfaqur ngurrues për të folur për fazën e dytë të marrëveshjes me tre faza të armëpushimit, e cila do të përfshinte një tërheqje të plotë ushtarake izraelite nga Gaza./ The Guardian.

© SYRI.net

Lexo edhe:

• Rubio: Grupi teknik për Iranin do të ritakohet javën e ardhshme
• Gjermania drejt pensionit në moshën 70-vjeçare, Merz: Reforma për të shpëtuar sistemin
• Ukraina po godet pikat e dobëta të Putin, por i mungojnë ushtarët për të fituar territor