Dy persona ranë në prangat e agjentëve të antidrogës të Tiranës për shkak se dyshohet se kanë trafikuar një sasi prej 3.2 kilogramë drogë kanabis nga SHBA në vendin tonë nëpërmjet postës.
Droga mësohet se porositej nga Kalifornia, ndërsa sipas policisë, kishte përqindje tepër të lartë THC. Të arrestuarit janë Skënder Vata, 27 vjeç dhe Jurgest Luzi, 24 vjeç, të dy banues në Kamëz.
Dyshohet se Skënder Vata ka qenë organizatori i skemës së futjes së drogës me postë. Vata kishte përfshirë Luzin, ku ky i fundit kishte rolin për të marrë lëndën narkotike nga posta.
Pakoja është dërguar me një emër të një personi tjetër me origjinë nga Korça, person i cili po verifikohet gjithashtu nga antidroga nëse është apo jo i përfshirë në këtë skemë.
Njoftimi:
Tiranë
Finalizohet pas një pune të mirëfilltë hetimore, operacioni policor i koduar “California”.
Operacioni u zhvillua nga Seksioni për Hetimin e Narkotikëve, në bashkëpunim me Drejtorinë e Hetimit Doganor në Drejtorinë e Përgjithshme të Doganave, në drejtimin e Prokurorisë së Juridiksionit të Përgjithshëm Tiranë.
Goditet një rast i trafikimit të lëndës narkotike cannabis sativa, nga ShBA, në vendin tonë, duke përdorur shërbimin postar.
Vihen në pranga 2 shtetas.
Sekuestrohen 3 kg e 200 gramë cannabis sativa, me përqindje të lartë THC, e ndarë në pako, shuma parash dhe 2 celularë.
Specialistët për Hetimin e Narkotikëve, në bashkëpunim me Drejtorinë e Hetimit Doganor në Drejtorinë e Përgjithshme të Doganave, në kuadër të procedimit penal me metoda speciale hetimore, nr. 3748 të Prokurorisë së Juridiksionit të Përgjithshëm Tiranë, pas një pune të mirëfilltë hetimore, kanë finalizuar operacionin policor të koduar "California".
Si rezultat u godit një rast i trafikimit të lëndëve narkotike, nga ShBA në Shqipëri, me anë të shërbimit postar, dhe u vunë në pranga shtetasit S. V., 27 vjeç dhe J. L., 24 vjeç, të dy banues në Kamëz.
Këta shtetas dyshohet se kanë trafikuar lëndë narkotike me përqindje të lartë THC, nga ShBA në Shqipëri, me anë të shërbimit postar.
Në cilësinë e provës materiale u sekuestruan 3 kg e 200 gramë cannabis sativa, me përqindje të lartë THC, e ndarë në pako, shuma parash dhe celularët e shtetasve të arrestuar.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
Skender Vata
Jurges Luzi
© SYRI.net
A është Parlamenti Evropian i kërcënuar nga spiunazhi?
Shefi i shërbimit sekret të Egjiptit shkon në Izrael për marrëveshjen e pengjeve dhe mësymjen në Rafah
Rusia planifikon të afrojë raketat bërthamore në kufirin me NATO-n, Finlanda vendoset në alarm
Denonco
Merrni lajmet më të fundit nga SYRI.net në çdo moment dhe kudo që të jeni!
