Drejtori i Shërbimit Federal të Sigurisë së Rusisë, Alexander Bortnikov, ka thënë, pa prova, se SHBA, Britania dhe Ukraina ishin pas sulmit të së premtes në sallën e koncerteve në Moskë, në të cilin u vranë të paktën 139 persona. Kështu njoftoi agjencia shtetërore e lajmeve Tass e cituar nga The Guardian.
Ukraina i ka mohuar akuzat nga Rusia për përfshirje në sulmin, për të cilin grupi militant i Shtetit Islamik mori përgjegjësinë.
Vendet perëndimore kanë thënë se shërbimet e tyre sekrete treguan se përgjegjës ishte Shteti Islamik-K, dega afgane e Shtetit Islamik.
Presidenti rus, Vladimir Putin, tha dje se sulmi terrorist ishte kryer nga islamistët radikalë, por përsëriti pohimin e tij të mëparshëm se sulmuesit kishin planifikuar të arratiseshin në Ukrainë para se të arrestoheshin.
Kurse Shefi i Shërbimit Federat të Sigurisë së Rusisë, Bortnikov, kishte thënë edhe se numri i bashkëpunëtorëve për sulmin në sallën e koncerteve do të shkonte më shumë se 11, sa ishte numri aktual i të arrestuarve.
© SYRI.net
A është Parlamenti Evropian i kërcënuar nga spiunazhi?
Shefi i shërbimit sekret të Egjiptit shkon në Izrael për marrëveshjen e pengjeve dhe mësymjen në Rafah
Rusia planifikon të afrojë raketat bërthamore në kufirin me NATO-n, Finlanda vendoset në alarm
Denonco
Merrni lajmet më të fundit nga SYRI.net në çdo moment dhe kudo që të jeni!
