Regjistrohen temperatura rekord për muajin shtator në Francë

11:50, 05/09/2023

Vera ka mbaruar, por moti jashtëzakonisht i nxehtë  vazhdon të përfshijë pjesën më të madhe të Francës këtë javë, me temperatura afro 39 gradë Celsius në qendrën perëndimore të vendit dje, të hënën, dhe pritet të arrijnë 35 ose 36 gradë Celsius sot në pjesën qendrore dhe jugperëndimore të saj.

"Me një temperaturë mesatare në Francë prej 25.1 gradë Celsius (indeksi kombëtar i nxehtësisë, mesatarja e temperaturave të natës dhe ditës në një sërë stacionesh përfaqësuese në Francën metropolitane), e hëna 4 shtator 2023 ishte dita më e nxehtë në rekord shtator, duke thyer rekordin e mëparshëm prej 24.7 gradë Celsius, i vendosur më 4 shtator 1949 ”, raporton Météo-France.

Në majë të Brittany në Francën perëndimore, Brest përjetoi ditën e tij më të nxehtë të vitit 2023, me termometrin që lexonte 30.6 gradë Celsius, konfirmoi shërbimi publik, duke thyer rekorde.

Në Paris  temperatura dje u ngjit në 31.5 gradë Celsius, për të tretën ditë radhazi që termometri i kaloi 30 gradë Celsius, ndërsa pjesa tjetër e javës pritet të jetë po aq e nxehtë: pasditen e sotme parashikohet 34 gradë Celsius, dhe sot pritet të jetë dita më e nxehtë e javës.

Temperaturat rekord për muajin shtator janë shënuar edhe dje në Poitiers, në Francën qendrore-perëndimore, ku termometri arriti në 37 gradë Celsius, Aix-en-Provence, në juglindje, i cili regjistroi 35.1 gradë, ose Bourges, në qendër, ku termometri tregoi 36 gradë, sipas të dhënave të përkohshme.

Në Montmorillon , në departamentin gjeografik të Vienne, në Francën qendrore-perëndimore, temperatura arriti në 38.8 gradë Celsius, duke thyer rekordin e mëparshëm të vendosur vetëm vitin e kaluar.

Temperaturat maksimale gjatë ditës së sotme do të lëvizin ndërmjet 30 dhe 34 gradë Celsius pothuajse në të gjithë vendin.

Kjo ngrohtësi e jashtëzakonshme për stinën e vjeshtës është në përputhje me vëzhgimet e klimatologëve, sipas të cilëve ndryshimet klimatike për shkak të aktivitetit njerëzor nuk po rrisin vetëm ashpërsinë e valëve të të nxehtit, por edhe ardhjen e tyre të hershme ose të vonuar.

Moti nuk pritet të ftohet para të dielës.

© SYRI.net

Lexo edhe:

• SHBA kërkon votim në Këshillin e Sigurimit të OKB për marrëveshjen e armëpushimit të Gazës
• Rezultati i zgjedhjeve në BE, Scholz nuk i bashkohet Macronit: S’ka zgjedhje të parakohshme në Gjermani
• Kush është Jordan Bardella, lideri 28-vjeçar i ekstremit të djathtë në Francë?