Pas mbytjes së gomones në Kanalin Anglez pak ditë më parë, ku humbën jetën 4 persona, autoritetet britanike kanë arrestuar një 19-vjeçar pasi akuzohet për trafik qeniesh njerëzore.
Ibrahima Bah, vendndodhja e të cilit nuk është lokalizuar, u identifikua dhe u arrestua nga efektivët vendas, menjëherë pas aksidentit.
Kujtojmë që të mërkurën, si pasojë e mbytjes së një gomoneje në La Manche, humbën jetën 4 emigrantë, ndërsa 39 prej tyre arritën të shpëtoheshin nga rojet bregdetare.
Policia e Kentit, bën me dije se Bah akuzohet për “krijimin e mundësisë për mbërritjen në Britani të njerëzve që ai e dinte se do të ishin azilkërkues”.
Aktualisht i riu ndodhet në paraburgim, ndërsa nesër pritet të dalë para gjykatës.
Marina Mbretërore franceze, rojet bregdetare dhe varkat e shpëtimit RNLI u përfshinë të gjithë në operacionin e madh të shpëtimit në brigjet e Kent që filloi në orët e para të së mërkurës, pas raportimeve të një peshkatari.
Drejtoria e Krimeve të Rënda Kent dhe Essex, të ndihmuar nga Agjencia Kombëtare e Krimit, janë duke punuar për zbardhjen e rrethanave të ngjarjes që u shndërrua në tragjedi.
© SYRI.net
Të shtëna me armë drejt ambasadës izraelite në Stokholm
Akuzat për gjenocid në Gjykatën Ndërkombëtare të Drejtësisë, Izraeli zotohet se do t’u përgjigjet
Policia franceze vret një burrë që tentoi të djegë sinagogën
Denonco
Merrni lajmet më të fundit nga SYRI.net në çdo moment dhe kudo që të jeni!
