Sirenat e sulmit ajror u dëgjuan këtë mëngjes në të gjithë Ukrainën , duke përfshirë kryeqytetin Kiev , thanë zyrtarët lokalë.
“Mos i injoroni sirenat e sulmit ajror, qëndroni në strehimore” , shkroi në Telegram Kirill Tymoshenko, zëvendës shefi i shtabit të presidencës ukrainase.
Rreth 60 raketa ruse janë parë në hapësirën ajrore të Ukrainës, tha Vitaly Kim, guvernatori i Mykolaiv në Ukrainën jugore. “Disa prej tyre tashmë janë mbi Ukrainën veriore,” shkroi ai në Telegram.
Në të njëjtën kohë, agjencia ruse e lajmeve TASS, duke cituar një burim nga shërbimet e urgjencës, raporton se të paktën tetë persona u vranë dhe 23 u plagosën nga bombardimet e ushtrisë ukrainase kundër provincës së kontrolluar nga Rusia të Luhansk.
Bombardimet shkatërruan një ndërtesë në fshatin Landrativka, ndërsa disa njerëz janë bllokuar në rrënoja, shtoi TASS.
Zyrtarët e mbështetur nga Rusia që përfaqësojnë Luhansk në Qendrën e Përbashkët të Kontrollit dhe Koordinimit, një organ monitorues i armëpushimit i krijuar për të monitoruar armëpushimin ndërmjet separatistëve pro-rusë ukrainas dhe forcave ukrainase pas vitit 2014 – thanë se Ukraina hodhi raketa HIMARS të prodhuara nga SHBA kundër Landrativka në orën 04:10 të mëngjesit sot.
Përveç kësaj, kreu i “milicisë së popullit” i Luhansk shkroi në llogarinë e tij në Telegram se ka viktima civile pas granatimeve të qytetit Svatove nga ushtria ukrainase mëngjesin e sotëm.
Ai nuk dha asnjë informacion tjetër për ngjarjen.
© SYRI.net
Avioni del jashtë pistës në Itali, shtyhen disa fluturime
SHBA-ja i dënon sulmet kibernetike ruse ndaj vendeve evropiane
Biden bën thirrje për lirimin e gazetarëve të burgosur amerikanë
Denonco
Merrni lajmet më të fundit nga SYRI.net në çdo moment dhe kudo që të jeni!
