Mbretëria e Bashkuar ka shpallur gjendjen e emergjencës kombëtare. Shkak për këtë është bërë i nxehti përvëlues që ka kapluar prej ditësh mbarë shtetin ishull.
Agjencia meteorologjike e Britanisë lëshoi paralajmërimin më të lartë për të nxehtit ekstrem me temperatura që mund të prekin nivele shumë të larta për javën e ardhshme deri në 40 gradë celsius. “Temperatura të jashtëzakonshme, ndoshta nga ato që thyejnë rekorde, mund të përjetojmë të hënën, më pas edhe përgjatë të martës”, thuhet në njoftimin e autoritetit meteorologjik shtetëror.
Një paralajmërim është lëshuar edhe për netët që priten të jenë jashtëzakonisht të nxehta në Mbretërinë e Bashkuar, veçanërisht në zonat urbane. Kjo valë përvëluese pritet të kenë impakt të konsiderueshëm për njerëzit dhe infrastrukturën.
Temperatura më e lartë e regjistruar ndonjëherë në Britani është 38,7 gradë celsius, e regjistruar më 25 korrik të vitit të kaluar në kopshtin botanik të Universitetit “Cambridge”. Më herët gjatë javës, agjencia për sigurinë shëndetësore dhe ajo meteorologjike e Britanisë aktivizuan nivelin 3 të alarmit për kushtet e motit, duke kërkuar masa shtesë për të mbrojtur kategoritë më të rrezikuara.
Niveli katër, ai me ngjyrë të kuqe, aktivizohet vetëm një valë e të nxehtit është aq e ashpër saqë efektet shkojnë përtej sistemit shëndetësor dhe të përkujdesjes sociale. Në këtë nivel, rrezikohen edhe personat plotësisht të shëndetshëm, të cilëve, si kategorive të cenueshme, u rrezikohet jeta.
© SYRI.net
Rusia mund t'i shtojë sulmet në Ukrainë, thotë Zelensky
Donald Trump po planifikon skemën e deportimit të stilit të Ruandës
Lideri i opozitës dënohet me 42 vjet burg në Turqi
Denonco
Merrni lajmet më të fundit nga SYRI.net në çdo moment dhe kudo që të jeni!
