Një shpërthim në një fabrikë kimike në juglindje të Sllovenisë ka plagosur të paktën 20 persona dhe disa figurojnë ende të zhdukur, ndërkohë autoritetet u kërkuan banorëve përreth zonës të qëndrojnë brenda.
Një shpërthim në një fabrikë kimike në Slloveninë juglindore plagosi të paktën 20 vetë të enjten dhe autoritetet u kërkuan banorëve në afërsi të qëndrojnë brenda.
Shpërthimi u raportua rreth orës 8:30 në Kocevje. Nuk është e qartë se çfarë e shkaktoi shpërthimin.
Qyteti, i cili është rreth 55 kilometra në juglindje të kryeqytetit Ljubljana, ka një popullsi prej rreth 8,000 banorësh.
"Ne i këshillojmë të gjithë banorët në zonën përreth që të mbyllin dritaret dhe të mos dalin jashtë gjatë ndërhyrjes," citoi televizioni rajonal N1, policinë lokale. "Ata gjithashtu nuk duhet t'i afrohen vendit të ngjarjes."
Raporti thoshte se një këshill vendor i urgjencës u mblodh për një seancë urgjente ndërsa zjarrfikësit dhe ekuipazhet e emergjencës nxituan në fabrikën Melamin.
Melamin prodhon produkte kimike të tilla si rrëshira melamine për industrinë e letrës, ndërtimit, drurit, gomës dhe llakut, letër dekorative për industrinë e mobiljeve dhe materiale për prodhimin e këpucëve. Fabrika ka rreth 200 punonjës.
Agjencia Sllovene e Shtypit e përshkroi shpërthimin si "zjarri më i keq industrial në historinë e fundit të Sllovenisë". Gjithsej 17 zjarre industriale janë regjistruar që nga viti 1995, duke rezultuar kryesisht në dëme materiale, njoftoi agjencia.
© SYRI.net
Cili do të jetë fati i Gazës pas luftës? New York Times: Izraeli ofron të ndajë kontrollin me SHBA dhe 3 shtete arabe
'Dyert për negociata janë të hapura', Macron: Duhet të kemi dialog me Rusinë
Para luftës kishte 3 mijë banorë, sot fshati ukrainas është shndërruar në gërmadha 
Denonco
Merrni lajmet më të fundit nga SYRI.net në çdo moment dhe kudo që të jeni!
