Këtë të martë, administrata Biden njoftoi sanksione kundër një sërë zyrtarësh të huaj, duke përfshirë edhe presidentin e Bjellorusisë Alexander Lukashenko dhe gruan e tij.
Lukashenko është president i Bjellorusisë që nga viti 1994 dhe akuzohet për përfshirje në korrupsion publik.
“Pavarësisht se erdhi në pushtet gati 30 vjet më parë në një platformë kundër korrupsionit, (Alexander Lukashenko) … ka përdorur autoritetet e tij për t'u dhënë privilegje dhe avantazhe unike bashkëpunëtorëve të tij që mund të ofroheshin vetëm nga shteti bjellorus, duke përfshirë mbështetjen e qeverisë, lehtësim financiar, si dhe pranimin e kontrabandës së mallrave të caktuara", thuhet në një njoftim për shtyp të Departamentit të Thesarit.
Thesari tha gjithashtu se Lukashenko përdori fuqinë e tij mbi inspektimet shëndetësore dhe aftësinë për të ushtruar presion ndaj pronarëve për të rritur qiratë, duke synuar kundërshtarët e tij politikë.
Lukashenko ishte sanksionuar më parë nga SHBA në 2006 dhe 2021./ FowNews/
© SYRI.net
Gazës mund t’i duhen 14 vjet për t’u pastruar nga rrënojat, njofton eksperti
'Vrasja e Alexei Navalnyt mund të mos jetë urdhëruar direkt nga Putini'
Ministri gjerman: Synimi i Putinit s’është Ukraina, por Evropa
Denonco
Merrni lajmet më të fundit nga SYRI.net në çdo moment dhe kudo që të jeni!
