Ish -presidenti amerikan Donald Trump akuzoi pasardhësin e tij Joe Biden se ishte fajtor për përparimin ushtarak të talebanëve në Afganistan, duke vlerësuar se situata aktuale në atë vend është "e papranueshme".
"Nëse do të isha president tani, bota do ta dinte që ne po kryejmë tërheqjen nga Afganistani në kushte të caktuara," tha Trump në një deklaratë.
"Do të ishte një tërheqje shumë më ndryshe dhe shumë më e suksesshme, dhe talebanët e dinin këtë më mirë se kurrë," shtoi ai.
Ai tha se kishte folur personalisht me udhëheqësit talebanë të cilët e kuptuan se ajo që ata po bënin tani nuk do të tolerohet.
Talebanët kanë kapur qytetin strategjik Ghazni, 150 kilometra në jugperëndim të Kabulit, dhe po i afrohen kryeqytetit afgan në mënyrë të rrezikshme pasi pushtuan pothuajse të gjithë gjysmën veriore të vendit në pak ditë.
Gjatë qeverisjes së Trump, Shtetet e Bashkuara nënshkruan një marrëveshje me talebanët më 29 shkurt 2020, sipas së cilës Uashingtoni mori përsipër të tërhiqte të gjitha trupat amerikane nga Afganistani para 1 majit 2021. Në këmbim, talebanët u zotuan të fillojnë bisedimet e paqes me qeverinë afgane dhe të përmbahen nga sulmet ndaj forcave amerikane dhe interesave të tyre në Afganistan dhe të ndërpresin të gjitha lidhjet me al Kaedën.
Pas nënshkrimit të asaj marrëveshjeje, administrata Trump reduktoi ndjeshëm praninë ushtarake amerikane në Afganistan dhe u zotua të respektojë afatin e 1 majit për tërheqjen e plotë nga vendi.
Reduktimi i numrit të ushtarëve amerikanë në Afganistan vazhdoi pas zgjedhjeve në nëntor, dhe kur Biden mori detyrën më 20 janar, vetëm 2,500 ushtarë amerikanë dhe 16,000 ndihmës civilë mbetën në vend.
Biden pezulloi operacionin e tërheqjes pas mbërritjes në Shtëpinë e Bardhë për t'i dhënë kohë vetes për të analizuar situatën dhe në prill konfirmoi se amerikanët do të tërhiqeshin plotësisht. Fillimisht data u transferua në 11 shtator dhe më vonë në 31 gusht.
© SYRI.net
SHBA kërkon votim në Këshillin e Sigurimit të OKB për marrëveshjen e armëpushimit të Gazës
Rezultati i zgjedhjeve në BE, Scholz nuk i bashkohet Macronit: S’ka zgjedhje të parakohshme në Gjermani
Kush është Jordan Bardella, lideri 28-vjeçar i ekstremit të djathtë në Francë?
Denonco
Merrni lajmet më të fundit nga SYRI.net në çdo moment dhe kudo që të jeni!
