Banka Aziatike e Zhvillimit (ADB) thotë se pandemia Covid-19 ka tërhequr ekonomitë në zhvillim të rajonit në recesion.
Hera e parë në gjashtë dekada që "Azia në zhvillim" - një emërtim që përfshin 45 vende - ka parë një rënie ekonomike rajonale.
ADB thotë se zhvillimi i ekonomisë së Azisë do të tkurret me 0.7% në vitin 2020.
Por rajoni pritet të rikthehet fuqishëm në 2021, duke u rritur me 6.8% vitin e ardhshëm.
Vlerësimi i ADB është në përputhje me Fondin Monetar Ndërkombëtar, i cili bëri një parashikim të ngjashëm në fillim të këtij viti .
Ekonomia e Indisë pritet të tkurret 9% këtë vit, ndërsa rritja e Kinës parashikohet në 1.8 përqind.
Azia Juglindore ka të ngjarë të shohë një rënie prej 3.8%.
Në veçanti, ekonomitë ishullore të varura nga turizmi, kanë parë tkurrje ekonomike të mëdha.
Ekonomia e Fixhi pritet të tkurret me 19.5%, ndërsa Maldivet ka të ngjarë të shohin një tkurrje prej 20.5%.
Lajmi i mirë është se rajoni pritet të rimëkëmbet vitin e ardhshëm, me një rritje prej 6.8%.
Ekonomia e Kinës pritet të rikthehet me 7.7% në 2021, ndërsa India gjithashtu do të kërcejë përsëri me 8% rritje në vitin e ardhshëm, thotë ADB.
Por banka paralajmëron se një rikuperim mund të prishet nga një pandemi e zgjatur dhe masa më të ashpra të kontrollit. /BBC/
© SYRI.net
Akuzat për gjenocid në Gjykatën Ndërkombëtare të Drejtësisë, Izraeli zotohet se do t’u përgjigjet
Policia franceze vret një burrë që tentoi të djegë sinagogën
Dhoma e Përfaqësuesve sfidon Biden, miraton furnizimin e Izraelit me armë
Denonco
Merrni lajmet më të fundit nga SYRI.net në çdo moment dhe kudo që të jeni!
