Yoshihide Suga pritet të bëhet kryeministri i ri i Japonisë pasi u zgjodh lehtësisht udhëheqësi i partisë në pushtet pas dorëheqjes së Shinzo Abe-s.
Partia Liberal-Demokrate (LDP) nga të dy dhomat e përfaqësuesve votoi me shumicë dërrmuese për z.Suga, që shihet si besnik i Abe-s.
Suga, i cili ka qenë fytyra publike e administrates së Shinzo Abes gjatë tetë viteve si zëdhënës, do të bëhet kryeministër zyrtarisht pasi dhomat e kontrolluara nga LDP-ja të votojnë për emërimin e tij të mërkurën, shkruan Guardian.
I biri 71 vjeçar i një farmeri të dredhëzave në pjesën rurale veriore të Japonisë menjëherë doli si favorit për zëvendësimin e Abe-s, sapo ishte njoftuar dorëheqja e tij për arsye shëndetësore.
Detyra e menjëhershme e Sugas do të jetë të mbajë rënien e deritashme të rasteve me koronavirus derisa shtyen ekonominë e tretë më të madhe në botë drejt përparimit.
© SYRI.net