Google premton 25 milionë euro investime në trajnimet për Inteligjencë Artificiale

21:07, 12/02/2024

Google ka premtuar 25 milionë euro investime në Evropë që njerëzit të mësojnë të përdorin Inteligjencën Artificiale (Al).

Gjiganti teknologjik ka hapur aplikimin për ndërmarrje sociale dhe organizata jofitimprurëse, të cilat ka të ngjarë të zhvillojnë trajnime për Al.

Bëhet e ditur se këto trajnime do të zhvillohen falas në 18 gjuhë të botës, shkruan Reuters.

“Kërkimet tregojnë se përfitimet e Al mund të përkeqësojnë pabarazitë ekzistuese, veçanërisht në aspektin e sigurisë ekonomike dhe punësimit”, tha Adrian Brown, drejtori ekzekutiv i Qendrës për Ndikimin Publik, i cili drejton skemën jofitimprurëse së bashku me Google.

“Ky program i ri do t’i ndihmojë njerëzit në të gjithë Evropën të zhvillojnë njohuritë, aftësitë, dhe të krijojnë besim te Al, duke siguruar kështu që askush nuk mbetet prapa”, shtoi Brown.

Ndryshe, muajin e kaluar Google ka njoftuar se do të investojë 1 miliard dollarë (928,560,000 euro) në ndërtimin e një qendre të dhënash jashtë Londrës, ndërsa po punon për të përmbushur kërkesat në rritje për shërbimet e internetit.

Qendra e të dhënave është planifikuar të ndërtohet në qytetin Waltham Cross në veri të Londrës qendrore në një zonë prej 13 hektarësh.

© SYRI.net

Lexo edhe:

• TikTok nuk do të shitet, thotë pronari kinez në SHBA
• Filmi 'RRUGËS' nga Samir Karahoda, zyrtarisht në garën e filmave të shkurtë në Festivalin e Kanës
• WhatsApp njofton për uljen e kufirit të moshës së përdoruesve në disa vende