Akademia e filmit “Oscars” ka publikuar zyrtarisht nominimet për vitin 2024, ku ashtu si pritej, spikat mbi të gjithë filmi Oppenheimer i regjisorit britanik Christopher Nolan, me aktor kryesor Cillian Murphy, në rolin e krijuesit të bombës atomike, Robert J. Oppenheimer.
Sipas publikimit, në kategorinë e aktorit më të mirë protagonist, radhiten Bradley Cooper, “Maestro” – Colman Domingo, “Rustin” – Paul Giamatti, “The Holdovers” – Cillian Murphy, “Oppenheimer” – Jeffrey Wright, “American Fiction”.
Në kategorinë e aktores më të mirë protagoniste, radhiten Annette Bening, “Nyad” – Lily Gladstone, “Killers of the Flower Moon” – Sandra Huller, “Anatomy of a Fall” – Carey Mulligan, “Maestro” – Emma Stone, “Poor Things”.
Bën përshtypje këtu fakti se aktorja dhe producentja Margot Robbie, nuk është e nominuar për rolin e saj si Barbie.
Regjisori më i mirë do të ndahet mes Jonathan Glazer, “The Zone of Interest” – Yorgos Lanthimos, “Poor Things” – Christopher Nolan, “Oppenheimer” – Martin Scorsese, “Killers of the Flower Moon” – Justine Triet, “Anatomy of a Fall”.
Filmi më i mirë ndërkaq, luhet mes 10 titujsh: “American Fiction”, “Anatomy of a Fall”, “Barbie”, “The Holdovers”, “Killers of the Flower Moon”, “Maestro”, “Oppenheimer”, “Past Lives”, “Poor Things”, “The Zone of Interest”.
© SYRI.net