Kori i Filharmonisë së Kosovës do të shënojë 20-vjetorin e themelimit nëpërmjet koncertit të fundvitit.
“Nën udhëheqjen e Maestros Rafet Rudi, ky koncert do shënojë dy dekada të rrugëtimit të suksesshëm të Korit të Filharmonisë së Kosovës”, thuhet në njoftim.
Programi përfshinë vepra nga kompozitorë të dalluar si: Lauridsen, Sandstrom, Matsushita, Whitacre e Rudi derisa do të shënojë edhe dy përvjetor të kompozitorëve tonë, 80-vjetorin e lindjes së Zeqirija Ballatës dhe 65-vjetorin e lindjes së Mendi Mengjiqit.
Koncerti do të mbahet më 14 dhjetor në Kishën Katolike “Shën Ndou” në Prishtinë.
© SYRI.net