'Ngjyrat e atdheut' në Muzeun Kombëtar të Kosovës

14:24, 28/11/2023

Për nder të Ditës së Flamurit dhe festave të nëntorit, në Muzeun Kombëtar të Kosovës është hapur ekspozita kolektive “Ngjyrat e Atdheut”.

Në njoftimin e lëshuar nga Ministria e Kulturës thuhet se ekspozita shfaq veprat e krijuesve shqiptarë që për temë kanë ngjarjet, figurat dhe personalitetet më të rëndësishme në historinë shqiptare, si dhe rrjedhat kohore nëpër të cilat ka kaluar vendi.

Ekspozita është realizuar nga Instituti i Kosovës për Siguri dhe Marrëdhënie Nderkombëtare (IKSMN), me seli në Prishtinë.