Hapen studimet e gjuhës shqipe në Universitetin e Regensburgut në Gjermani

14:00, 27/11/2023

Ambasadori kosovar në Gjermani, Faruk Ajeti, ka bërë të ditur se janë hapur studimet e gjuhës shqipe në Universitetin e Regensburgut.

Universiteti i Regensburgut është universiteti i tretë në Gjermani që ofron studime të gjuhës shqipe.

Ajeti ka thënë se kjo është një mundësi unike për të gjithë studente që janë të interesuar për studim e gjuhës shqipe.

“Një sukses i radhës – hapja e studimeve të gjuhës shqipe në Universitetin e Regensburgut. Regensburg Universität është tani universiteti i tretë në Gjermani, pas atij Ludwig-Maximilians-Universität München dhe Universität Jena, që ofrojnë studime të gjuhës shqipe. Kjo është një mundësi unike për të gjithë studentët që janë të interesuar për studimin e gjuhës shqipe dhe për t’i thelluar njohuritë e tyre të një prej gjuhëve më të vjetra evropiane e me një histori të pasur dhe një kulturë të veçantë.

Ishte një kënaqësi që për nder të hapjes së studimeve shqiptare në Universitetin e Regensburgut, të mbaja një ligjëratë për profesorët dhe studentët e këtij universiteti dhe të bashkëbisedonim mbi prioritetet e Republikës së Kosovës në fushën e politikës së jashtme kulturore. Përkrahja ndaj gjuhës shqipe si një opsion studimi në universitetet të tilla do të vazhdojë të mbetet prioritet i institucioneve të Republikës së Kosovës”, ka shkruar Ajeti në Facebook.

© SYRI.net

Lexo edhe:

• TikTok nuk do të shitet, thotë pronari kinez në SHBA
• Filmi 'RRUGËS' nga Samir Karahoda, zyrtarisht në garën e filmave të shkurtë në Festivalin e Kanës
• WhatsApp njofton për uljen e kufirit të moshës së përdoruesve në disa vende