Australia gjobit X (ish-Twitter) që nuk arriti të bllokojë materialet e abuzimit të fëmijëve

11:16, 16/10/2023

Enti i sigurisë së internetit të Australisë tha se rrjeti X nuk iu përgjigj disa pyetjeve, duke përfshirë numrin e personelit të mbetur në ekipin e sigurisë që punoi për parandalimin e përmbajtjeve të dëmshme dhe të paligjshme.

Mbikëqyrësi i sigurisë së internetit të Australisë ka gjobitur X - platformën e mediave sociale e njohur më parë si Twitter – me 610,500 dollarë australianë (ose 366,742 euro) se nuk arriti të shpjegohet plotësisht se si i trajtoi materialet e shfrytëzimit seksual të fëmijëve.

Komisioni eSafety i vendit e përshkruan veten si agjencia e parë qeveritare në botë e dedikuar për t'i mbajtur njerëzit të sigurt në internet, njofton Euronews.

Komisioni bëri njoftime ligjore për transparencë në fillim të këtij viti për X dhe platforma të tjera sociale duke vënë në dyshim se çfarë po bënin për të trajtuar një përhapje të shfrytëzimit seksual të fëmijëve, zhvatje seksuale dhe transmetimin e drejtpërdrejtë të abuzimit seksual të fëmijëve.

Komisionerja e eSafety Julie Inman Grant tha se X dhe Google nuk ishin pajtuar me njoftimet sepse të dyja kompanitë nuk kishin arritur t'i përgjigjeshin në mënyrë adekuate një numri pyetjesh.

Platforma e riemërtuar X nga pronari i saj i ri Elon Musk ishte shkelësja më e keqe, duke mos dhënë përgjigje për disa pyetje, përfshirë numrin e stafit të mbetur në ekipin e besimit dhe sigurisë që punonte në parandalimin e përmbajtjeve të dëmshme dhe të paligjshme që kur Musk e mori përsipër, tha Inman Grant.

"Unë mendoj se ka një shkallë kundërshtimi atje," tha ajo. "Nëse keni një sistem bazë të burimeve njerëzore ose listën e pagave, duhet ta dini se sa njerëz janë në secilin ekip."

Pasi Musk përfundoi blerjen e kompanisë në tetor të vitit të kaluar, ai uli në mënyrë drastike kostot dhe  mijëra vende pune. Rrjeti X nuk iu përgjigj menjëherë një kërkese për koment.

© SYRI.net

Lexo edhe:

• TikTok nuk do të shitet, thotë pronari kinez në SHBA
• Filmi 'RRUGËS' nga Samir Karahoda, zyrtarisht në garën e filmave të shkurtë në Festivalin e Kanës
• WhatsApp njofton për uljen e kufirit të moshës së përdoruesve në disa vende