Rushdie e përshkruan librin si "një mënyrë për të marrë përgjegjësinë për atë që ndodhi dhe për t'iu përgjigjur dhunës me art". Libri me 256 faqe me titull “Knife: Meditations After an Attempted Murder” do të publikohet më 16 prill 2024.
Romancieri i njohur me origjinë indiane, Salman Rushdie, do të publikojë një libër kujtimesh rreth sulmit të tmerrshëm që i verboi syrin e djathtë dhe i dëmtoi, dorën e majtë.
Libri me 256 faqe me titull "Thika: Meditime pas një tentative vrasjeje" do të botohet më 16 prill 2024.
"Ky ishte një libër i domosdoshëm për mua për të shkruar: një mënyrë për të marrë përgjegjësinë për atë që ndodhi dhe për t'iu përgjigjur dhunës me art," tha Rushdie në një deklaratë të lëshuar nga Penguin Random House.
"Thika" është një libër i zjarrtë dhe një kujtesë për fuqinë e fjalëve, për të kuptuar të pamendueshmen," tha në një deklaratë shefi ekzekutiv i “Penguin Random House”, Nihar Malaviya. "Ne jemi të nderuar ta botojmë atë dhe të mahnitur me vendosmërinë e Salmanit për tregojë historinë e tij dhe t'i kthehet punës që do."
Në gusht 2022, Rushdie, 76 vjeç, u godit me thikë në mënyrë të përsëritur në qafë dhe në bark nga një burrë që hyri me vrap në skenë në momentin kur shkrimtarii po bëhej gati të jepte një leksion në Nju Jork.
Sulmuesi i tij, Hadi Matar, një mysliman shiit amerikan nga Nju Xhersi, është deklaruar i pafajshëm ndaj akuzave për tentativë vrasjeje dhe sulmi të shkallës së dytë.
Ndërsa ndërhyrjet e tij publike kanë qenë të rralla që nga sulmi, Rushdie foli më parë për kalvarin e tij, duke i thënë gazetares së RTP-së, Ana Daniela Soares, për qëndrimin e tij të palëkundur përballë urrejtjes dhe armiqësisë që e kanë lënë në hije rrugëtimin e tij krijues.
Rushdie kaloi vite të tëra duke u fshehur pasi Irani u kërkoi myslimanëve që ta vrisnin për shkak të shkrimit të tij. Ajatollahu i Madh i Iranit, Ruhollah Khomeini, lëshoi një fetva në vitin 1989 duke bërë thirrje për vdekjen e Rushdie për blasfemi sipas tij, në romanin e vitit 1988 "Vargjet Satanike".
Shkrimtari jetonte i izoluar dhe me mbrojtje gjatë gjithë kohës, por prej pak vitesh ai kishte lëvizur me pak kufizime deri sa e goditën me thikë në Institucionin Chautauqua.
Ndërkohë që qeveria pro-reformave e Iranit e Presidentit Mohammad Khatami u distancua nga fetvaja në fund të viteve 1990, shpërblimi që varej mbi kokën e Rushdie vazhdoi të rritej dhe fetvaja nuk u hoq kurrë.
Udhëheqësi suprem Ayatollah Ali Khamenei një herë tha se fetvaja kundër Rushdie ishte "e pakthyeshme". Megjithatë, në vazhdën e sulmit të gushtit 2022, një zyrtar i qeverisë iraniane nuk pranoi se Teherani ishte i përfshirë në sulmin ndaj Rushdie.
"Thika: Meditimet pas një tentative vrasjeje" do të botohet në SHBA nga Random House, në gjurmët e Penguin Random House që në fillim të këtij viti publikoi romanin e tij "Qyteti i Fitores", i përfunduar para sulmit.
Veprat e tjera të Rushdie përfshijnë librat fitues të çmimit Booker "Midnight's Children", "Shame" dhe "The Moor's Last Sigh".
Rushdie është gjithashtu një avokat i shquar i shprehjes së lirë dhe një ish-president i PEN America.
© SYRI.net
TikTok nuk do të shitet, thotë pronari kinez në SHBA
Filmi 'RRUGËS' nga Samir Karahoda, zyrtarisht në garën e filmave të shkurtë në Festivalin e Kanës
WhatsApp njofton për uljen e kufirit të moshës së përdoruesve në disa vende
Denonco
Merrni lajmet më të fundit nga SYRI.net në çdo moment dhe kudo që të jeni!
