Rupert Murdoch jep dorëheqjen si kryetar i Fox News

15:51, 21/09/2023

Manjati i medias Rupert Murdoch thotë se ai do të largohet si kryetar i Fox dhe News Corp, me djalin e tij Lachlan në krye të të dyja kompanive. Në një njoftim për punonjësit, Murdoch tha se "është koha e duhur" që ai të marrë "role të ndryshme".

Murdoch, 92 vjeç, e nisi karrierën në Fox News në vitin 1996, duke e kthyer kështu në kanali më të ndjekur të lajmeve televizive në SHBA.

Ky lajm u bë i ditur në një promo të shkurtër të postuar në faqen e internetit të Fox News. Murdoch tha se ai do të kalojë në rolin e Kryetarit Emeritus të të dy firmave.

Kjo vjen disa muaj pasi manjati hodhi poshtë një plan për të bashkuar Fox dhe News Corp, të cilat do të kishin ribashkuar dy asete të mëdha mediatike.

"Kompanitë tona janë në gjendje të mirë shëndetësore, ashtu si unë. Mundësitë tona i tejkalojnë shumë sfidat tona tregtare," shkroi ai. "Ne kemi çdo arsye për të qenë optimistë për vitet e ardhshme. Sigurisht që jam dhe planifikoj të jem këtu për të marrë pjesë në to!'

Klea.Sula/ Syri.net

Burimi: BBC