Për pesë netë më radhë në amfiteatrin tek Shtëpia e Fellbahut, para publikut suharekas u prezantuan shfaqje të shumta nga qytete të ndryshme të Kosovës dhe më gjerë.
Suhareka është një vend me plot vlera artistike por fatkeqësisht pa teatër dhe kjo e vështirëson procesin të krijuarit shfaqje teatrore e aq më tepër të krijosh një festival.
Në vitin 2019 këtë e bëri të mundur producenti Brahim Basha, i cili njëkohësisht ishte dhe është drejtori i përgjithshëm i “Festivali i teatrove në Suharekë”.
Ky festival filloi edicionin e parë me vetëm pesë shfaqje nga qytete të ndryshme të Kosovës, ndërsa në edicionin e dytë vazhdoi përsëri me shfaqje nga Kosova, e në edicionin e tretë u zgjerua dhe kaloi nga një festival kombëtar, në një festival mbarë kombëtar. Gjithsej ka pasur trembëdhjetë shfaqje mysafire dhe dy shfaqje të prodhuara nga vetë festivali enkas për qytetin e Suharekës. Është përcjellur nga kritikë dhe profesionistë të fushës së teatrit, madje për tre vjet me radhë, ka pasur një shikueshmëri rekord nga qytetarët dhe bashkatdhetarët suharekas.
Në natën e fundit të edicionit të katërt të Festivali i Teatrove Suharekë do të prezantohet shfaqja “Mos i luaj anglezët”, nga teatri i qytetit të Gostivarit tek Shtëpia e Fellbahut nga ora 20:00h.
© SYRI.net
TikTok nuk do të shitet, thotë pronari kinez në SHBA
Filmi 'RRUGËS' nga Samir Karahoda, zyrtarisht në garën e filmave të shkurtë në Festivalin e Kanës
WhatsApp njofton për uljen e kufirit të moshës së përdoruesve në disa vende
Denonco
Merrni lajmet më të fundit nga SYRI.net në çdo moment dhe kudo që të jeni!
