Një angazhim shembullor së fundmi është parë nga nxënësit me aftësi të kufizuara të Qendrës Burimore "Përparimi". Ata janë angazhuar si aktorë, për të eksploruar mënyra të ndryshme artistike duke e sfiduar veten.
Krejt kjo falë qendrës për kulturë, "Artpolis", e cila ka vendosur të sigurojë përfshirje të kësaj kategorie nëpërmjet shfaqjes "Pa Limit".
Në videon e publikuar në faqen zyrtare të qendrës shihen nxënësit të cilët aktrojnë në hapësirën ku për çdo ditë mësojnë e zhvillojnë aktivitete, Qendrën Burimore "Përparimi".
"Kjo shfaqje sjell rrëfime dashurie, dhe shpërfaq potencialin e dëshirën e të jetuarit pa kufizime.
Pavarësisht sfidave jetësore e barrierave shoqërore që hasin çdo minutë, ata/ato inspirojnë edhe personat me zhvillim “tipik” dhe reflektojnë energji pozitive, sepse ata e njohin vetveten dhe krenohen me atë si janë! Përmes kësaj shfaqje ata/ato thyejnë barrierat për të marrë vlerësimin për aftësitë e tyre kreative dhe artistike", thuhet në njoftimin e "Artpolis".
Aktorë janë Fahri Krasniqi, Afërdita Haxholli, Albin Salihi, Festina Ibishi, Trimor Idrizi, Fortesë Vishesella, Blerina Krasniqi, Erjon Vitija nën mentorimin e Edlir Gashi, Kaltrinë Zeneli, Robert Nuha.
Premiera e shfaqjes është nesër në orën 18:00.
© SYRI.net
TikTok nuk do të shitet, thotë pronari kinez në SHBA
Filmi 'RRUGËS' nga Samir Karahoda, zyrtarisht në garën e filmave të shkurtë në Festivalin e Kanës
WhatsApp njofton për uljen e kufirit të moshës së përdoruesve në disa vende
Denonco
Merrni lajmet më të fundit nga SYRI.net në çdo moment dhe kudo që të jeni!
