Zëvendëssekretari i Përgjithshëm i Ministrisë së Kulturës, Rinisë dhe Sportit, Feim Hoxha, i shoqëruar edhe nga zv/drejtoresha e Departamentit të Trashëgimisë Kulturore, Merita Augustini-Nrecaj dhe drejtoresha e Departamentit për Integrim Evropian dhe Koordinim të Politikave, Brikena Mulliqi, kanë realizuar vizitë zyrtare në Ministrinë e Kulturës të Republikës së Çekisë në Pragë.
Sipas një statusi në Facebook, nga ana e kësaj ministrie, thuhej se qëllimi i kësaj vizite ishte shkëmbimi i përvojave në fushën e hartimit të politikave dhe legjislacionit në fushën e trashëgimisë kulturore sipas praktikave evropiane dhe diskutimit për krijimin e mundësive të bashkëpunimit ndërinstitucional ndërmjet institucioneve të dyja vendeve.
“Delegacioni i MKRS-së gjatë kësaj vizite pati takime me drejtorin e Departamentit për Mbrojtje të Monumenteve, Jiri Vajcner, drejtoreshën e Departamentit të Arteve, Bibliotekave dhe Sektorëve Kreativë, Zuzana Zahradnickova, drejtorin e Marrëdhënieve Ndërkombëtare, Petr Hnizdo dhe Tereza Kalkusova nga Seksioni i Bashkëpunimit Bilateral” u tha ndër tjera, transmeton Syri Kosova.
Kjo vizitë e delegacionit të MKRS-së u mbështet nga UNDP-ja në kuadër të bashkëpunimit të vazhdueshëm që po ndodh në fushën e trashëgimisë kulturore.
© SYRI.net
TikTok nuk do të shitet, thotë pronari kinez në SHBA
Filmi 'RRUGËS' nga Samir Karahoda, zyrtarisht në garën e filmave të shkurtë në Festivalin e Kanës
WhatsApp njofton për uljen e kufirit të moshës së përdoruesve në disa vende
Denonco
Merrni lajmet më të fundit nga SYRI.net në çdo moment dhe kudo që të jeni!
