Geoffrey Hinton , i konsideruar gjerësisht si kumbari i inteligjencës artificiale (AI) ka dhënë dorëheqjen nga Google, duke paralajmëruar për rreziqet në rritje që vijnë nga përparimet në këtë fushë. Tutje ai përmendi shqetësimet për vërshimin e informacioneve, videove dhe fotove të rreme në internet, si dhe potencialin që AI të prishë tregun e punës
Psikologu njohës dhe shkencëtari kompjuterik britaniko-kanadez i tha BBC-së se chatbot së shpejti mund të kapërcejë nivelin e informacionit që mban truri i njeriut.
Ai i përshkroi disa nga rreziqet e paraqitura nga chatbot-et e AI si "mjaft të frikshme".
Ndërsa shkencëtari kryesor i Google, Jeff Dean, tha në një deklaratë për BBC-në se, "Ne mbetemi të përkushtuar ndaj një qasjeje të përgjegjshme ndaj AI". Ne jemi vazhdimisht duke mësuar dhe inovuar për të kuptuar më mirë rreziqet në zhvillim’’.
Përktheu: Jeta Shurdhani/ Syri.net Kosova
© SYRI.net