Një farkëtar në qytetin lindor të Ukrainës, Donetsk, praktikisht po e rreh hekurin në kovaçanë dhe po i kthen mbeturinat në thesare. Viktor Petrovich Mikhalev merr armë dhe municion dhe prodhon ato që ai i quan lulet e luftës.
Mikhalev, i cili u trajnua si saldator, jeton dhe punon në një shtëpi, gardhi dhe dera e së cilës janë zbukuruar me lule dhe rrush të punuar. Në punishten e tij ka grumbuj mitralozësh gjysmë të djegur dhe predha nga vija e parë e luftës. Miq e të njohur i sjellin si lëndë të parë për artin e tij.
Era e hekurit dhe e bojës përshkon punishten, e dekoruar gjithashtu nga dyshemeja në tavan me dhjetëra ikona fetare. Mikhalev e bën artin si një kujtim, një suvenir i luftës në Ukrainën lindore.
"Lulet e vërteta nuk do të zgjasin shumë, dhe trëndafilat e mi do të bëhen një kujtesë për një kujtim të gjatë," thotë farkëtari.
Ai e filloi projektin kur një mik i solli atij automatikë të thyer. Një muaj më vonë, ai ekspozoi artin e tij të luftës në një muze të Donetsk. Që atëherë, ai vazhdimisht ka bërë ato që ai i quan "lulet e luftës". Përveç kësaj, ai ndërton stendat për shkrimin e stilolapsave nga pjesët e një granatahedhëse dhe një kuti fishekësh.
© SYRI.net