3000 gjuhë në botë në rrezik zhdukjeje

15:00, 22/02/2023

Rreth 3 000 nga më shumë se 7 000 gjuhët që fliten aktualisht në botë janë në rrezik të zhdukjes deri në fund të shekullit.

Sipas të dhënave të UNESCO-s, 6 700 gjuhët e popujve indigjenë, janë gjuhët më të kërcënuara në botë.

Në projektrezolutën e miratuar si pjesë e Vitit Ndërkombëtar të Gjuhëve Indigjene të OKB-së në 2019, UNESCO u bën thirrje shteteve të krijojnë fonde dhe mekanizma për ruajtjen e gjuhëve indigjene.

Sipas UNESCO-s, megjithëse popullsia indigjene përbën një pjesë të vogël të popullsisë së vendeve, këto komunitete janë pjesa më e madhe e diversitetit kulturor dhe gjuhësor. Zhdukja e gjuhëve mund të nënkuptojë zhdukjen e pakthyeshme të kozmopolitizmit dhe trashëgimisë së përbashkët të njerëzimit.

Sipas OKB-së, humbja e diversitetit gjuhësor ndikon në gjithçka, nga jeta biologjike në jetën kulturore. ”Gjuhët që nuk janë folur nga askush që nga viti 1950 konsiderohen gjuhë të zhdukura”, sipas Atlasit Botëror të Gjuhëve të Rrezikuara të UNESCO-s.

Që një gjuhë të konsiderohet e sigurt, duhet të flitet nga të gjitha brezat pa asnjë kufizim gjuhësor. Sipas këtij klasifikimi, 4% e gjuhëve të folura deri më sot atribuohen si të zhdukura.

Ndërkaq, 10 për qind e gjuhëve që fliten sot në botë klasifikohen si të rrezikuara në mënyrë kritike, 9% të rrezikuara rëndë, 11% definitivisht të kërcënuara dhe 10% të cenueshme.

UNESCO është e shqetësuar se këto gjuhë mund të zhduken deri në fund të këtij shekulli.

“Dita Ndërkombëtare e Gjuhës Amtare” u ratifikua në Konferencën e Përgjithshme të UNESCO-s në vitin 1999 me iniciativën e Bangladeshit dhe festohet çdo vit më 21 shkurt që nga viti 2000.

© SYRI.net

Lexo edhe:

• TikTok nuk do të shitet, thotë pronari kinez në SHBA
• Filmi 'RRUGËS' nga Samir Karahoda, zyrtarisht në garën e filmave të shkurtë në Festivalin e Kanës
• WhatsApp njofton për uljen e kufirit të moshës së përdoruesve në disa vende