Pronari i ri i Twitter-it , Elon Musk ditën e djeshme ngriti mundësinë e një falimentimi të mundshëm të platformës së rrjeteve sociale, duke mbyllur një ditë kaotike, e cila përfshinte një paralajmërim nga një autoritet rregullator i SHBA -së , por edhe largime të rangut të lartë si drejtuesit e kompanisë.
Miliarderi u tha punonjësve të Twitter gjatë një telefonate se ai nuk mund të përjashtojë mundësinë e falimentimit.
Siç raporton Bloomberg News, situata financiare e Twitter Inc është e paqëndrueshme, dy javë pas përfundimit të marrëveshjes.
Dy drejtuesit e Twitter, Joel Roth dhe Robin Wheeler , të cilët ishin në një takim me Musk të mërkurën në një përpjekje për të qetësuar shqetësimet e ngritura nga reklamuesit, kanë dhënë tashmë dorëheqjen, tha një burim për Reuters.
Roth dhe Wheeler nuk iu përgjigjën menjëherë kërkesave për koment por Bloomberg dhe faqja e lajmeve teknologjike Platformer raportuan fillimisht dy largimet.
Ndërsa ditën e djeshme shefja e sigurisë së Twitter, Leah Kisner, tha në një postim se edhe ajo kishte dhënë dorëheqjen, sipas një mesazhi të brendshëm të postuar nga një avokat brenda ekipit të tij privat në sistemin e brendshëm të mesazheve të Twitter.
Komisioni Federal i Tregtisë i SHBA (FTC) tha se po vëzhgon zhvillimet në Twitter me "shqetësim të thellë" pas dorëheqjes së tre drejtuesve të lartë, pasi ata e ekspozojnë Twitterin ndaj rrezikut të shkeljes së mundshme të rregullave federale.
Në takimin e tij të parë me punonjësit pasditen e djeshme, Musk paralajmëroi se kompania ka të ngjarë të humbasë miliarda dollarë vitin e ardhshëm, siç raportohet nga faqja e lajmeve teknologjike The Information.
Twitter nuk iu përgjigj menjëherë kërkesave për koment mbi falimentimin e mundshëm, paralajmërimin e FTC apo për largimet e ekzekutivit.
Wheeler ka qenë fytyra e reklamave të Twitter që kur Musk mori kontrollin e kompanisë.
Roth, i cili ishte përgjegjës për sigurinë, tha se Twitter ka reduktuar pamjen e përmbajtjes së dëmshme në rezultatet e kërkimit me 95%, krahasuar me situatën përpara se Musk të blinte platformën.
Musk, i cili lëvizi pa hezitim për të pastruar situatën në kompani pasi përfundoi blerjen e saj më 27 tetor, ka thënë se Twitter Inc ka humbur 4 milionë dollarë në ditë, kryesisht për shkak se reklamuesit janë larguar që kur ai mori kontrollin.
© SYRI.net
TikTok nuk do të shitet, thotë pronari kinez në SHBA
Filmi 'RRUGËS' nga Samir Karahoda, zyrtarisht në garën e filmave të shkurtë në Festivalin e Kanës
WhatsApp njofton për uljen e kufirit të moshës së përdoruesve në disa vende
Denonco
Merrni lajmet më të fundit nga SYRI.net në çdo moment dhe kudo që të jeni!
