Ministria ruan ish-maternitetin

22:05, 04/11/2022

Materniteti ‘Nëna Terezë’ ku u lindën rreth 13 mijë fëmijë në vitet 1996-1999, u fut në listën e trashëgimisë për mbrojtje të përkohshme nga Ministria e Kulturës.

Ky objekt është në mesin e 19-të të tjerëve që iu shtuan listës së aseteve të trashëgimisë kulturore.

Me gjithë gëzimin se materniteti i asokohe do të ruhet nga shteti, drejtues të shoqatës “Nënë Tereza” thanë se objekti duhet të futet nën mbrojtje të përhershme.

Siç deklaruan në dikasterin e kulturës, kjo edhe mund të realizohet, por për një periudhë jo më të shkurtër se njëvjeçare, me plotësimin e dokumentacionit dhe përgatitjen e dosjes.