Protestat kundër regjimit në Iran nuk njohin të ndalur. Sipas BBC, gjenerata e re ka ndezur një revolucion. Por cila ishte Mahsa Amini, shkëndija dhe simboli i këtij revolucioni?
Më 13 shtator, Mahsa Asini, 22 vjeç, po qëndronte pranë një rruge në kryeqytetin iranian, Teheran, me vallain e saj Kiarash, kur u ndalua dhe u arrestua nga policia e moralit e Iranit me dyshimin se po e mbante në mënyrë të pahijshme hixhabin ose shaminë e saj.
Kierash tha se i kishin thënë se motra e tij do të lirohej pas një ore ‘klase edukative’.
Dy ditë pas arrestimit, policia iraniane e raportoi për herë të parë emrin e Aminit, duke thënë se ajo ishte sëmurë për shkak të problemeve në zemër që ‘iu shfaqën papritur’ në zyrën e policisë së moralit.
Policia tha se ajo ishte transferuar menjëherë në spital. Familja e Aminit tha se mjekët u kishin thënë se zemra e saj po rrihte, por ‘truri nuk ishte më i vetëdijshëm’.
Të nesërmen, ajo u shpall e vdekur.
Familja e saj tha se ajo ishte një vajzë e re e shëndetshme dhe pa probleme mjekësore që do të shpjegonin problemet e papritura në zemër.
Shumë shpejt dolën raportime që pretendonin se ajo ishte goditur në kokë teksa ishte brenda në furgonin e policisë pasi u kap në Teheren.
Policia i ka mohuar vazhdimisht akuzat.
Vdekja e saj erdhi pas një sërë raportimesh për brutalitet ndaj grave nga autoritetet në Iran.
© SYRI.net