'Zgjoi' do të shfaqet edhe në kinematë gjermane

21:40, 04/09/2022

Filmi “Zgjoi” do të shfaqet në kinematë gjermane.

Kështu njoftoi aktorja Yllka Gashi, e cila ka rolin kryesor në këtë film.

Ajo tregoi se shfaqja e filmit do të nis nga data 8 shtator.

“Filmi ynë “Zgjoi” ka filluar rrugëtimin e tij në kinematë gjermane. Nga data 8 Shtator do të keni mundësi ta shihni në shumë kinema në qytete të ndryshme në Gjermani”- tha ajo.

“Zgjoi” me regjinë e Blerta Bashollit, pasqyron vështirësitë që gratë e Krushës përballen pasi humbin familjarët dhe më të dashurit e tyre gjatë luftës së Kosovë.

Aktorja tregon se në disa nga shfaqjet e filmit do të jenë prezente autorja e filmit Blerta Basholli dhe znj. Fahrije Hoti.