Solistja e parë e Ansamblit Lili Këlliçi ka ndërruar jetë ditën e sotme në moshën 89-vjeçare .
Ajo ishte një personalitet i madh në botën e artit të kreogrfisë shqiptare për 30 vjet.
Lili kaloi një fëmijëri të lumtur dhe natyrisht pa nga afër vitet e vështira, por shpresëdhënëse të Luftës Anti-Fashiste Nacional-Clirimtare.Përjetoi dhe betejën me vdekjen kur fill pas luftës kaloi tifon .
Të gjitha këto sëbashku me entuziazmin e viteve të para të Clirimit, gdhendën tek Lili një karakter të fortë, një optimizëm , një dashuri dhe solidaritet për njerëzit që ajo e reflektoi për gjatë gjithë viteve të jetës së saj të gjatë.
Që në fëmijëri ajo tregoi dhunti në artin e kërcimit, duke i mahnitur banorët dhe sidomos vogëlushët e rrugës “Siri Kodra “.
Pasi mbaroi shkollën “Lidhja e Prizrenit”Lili ndoqi studimet në Institutin Femëror Pedagogjik, Tiranë ,që e përfundoi me rezultate të larta. Por Lili dashuronte baletin dhe ishte e angazhuar drejt-përdrejt me grupet artistike të sapo ngritura!
© SYRI.net