Sot pritet të transmetohet sezoni i katërt i serialit të famshëm ‘La Casa de Papel’ në Netflix. Gjithsej do të jenë 8 episode dhe që të gjitha do të publikohen menjëherë.
Në një video të publikuar nga faqja zyrtare e La Casa de Papel janë bërë të ditur edhe titujt e 8 episodeve. Episodi i parë që do të hapi këtë sezon të katër titullohet ‘Loja mbaroi’.
Titujt e tetë episodeve janë: “Loja mbaroi”, “Dasma e Berlinit”, “Mësimi i Antonit”, “Pasodoble” , “5 minuta më herët”, “TKO”, “Goditni tendën” dhe “Plani i Parisit”.
Të gjitha episodet do të publikohen përnjëherë, ndërsa orari i publikimit në secilin shtet është bërë publik në atë video.
Në Kosovë adhuruesit e këtij seriali do të mund ta shohin atë në Netflix, pra këtë të premte, më 3 prill, nga ora 09:00.
Tri sezonet e para kanë qenë mjaft të suksesshme dhe të pëlqyer për publikun, me aktorët që mbajnë emrat e kryeqyteteve.
Kujtojmë se, njëra prej aktoreve të këtij seriali, Itziar Ituño, e njohur si inspektorja Rakel, së fundi ka konfirmuar se është prekur me koronavirus.
Për shkak të pandemisë, kishte dyshime nëse do të publikohej në kohën e paraparë ky serial, por organizatorët nuk e kanë shtyrë datën.
© SYRI.net