Raporti mes Mauro Icardit dhe aktores China Suárez raportohet se ka përfunduar në mënyrë të pakthyeshme, pas një skandali të ri që ka tronditur çiftin.

Sipas medieve, një dyshim për tradhti nga ana e ish-sulmuesit të Interit me 22-vjeçaren Ekaterina Ojeda ka qenë shkaku i krizës përfundimtare. Ngjarja thuhet se ka shtyrë Suárez-in të largohet menjëherë nga banesa e përbashkët, duke u zhvendosur në vilën e saj në San Jorge.

Gazetarja Yanina Latorre, në emisionin “SQP” në América TV, ka raportuar se Suárez ka zbuluar mesazhe komprometuese në telefonin e Icardit, ku kërkohej kontakti i Ojeda-s përmes një ndërmjetësi.

Sipas këtyre zbulimeve, aktorja ka konsideruar provat të mjaftueshme për t’i dhënë fund marrëdhënies, duke e bërë të pamundur çdo përpjekje të mëtejshme të Icardit për t’u mbrojtur.

Kështu, një tjetër histori e bujshme në jetën private të sulmuesit argjentinas duket se ka marrë fund në mënyrë të prerë.