Vinícius Júnior realizoi dopjetë dhe i dha Real Madridit një fitore dramatike 3-2 ndaj Atlético Madrid në “Santiago Bernabéu”, duke i dhënë fund edhe “mallkimit” personal ndaj rivalëve të qytetit.

Ndeshja nisi me ritëm të lartë, me vendasit që krijuan menjëherë raste të rrezikshme.

Dani Carvajal dhe Federico Valverde ishin pranë golit, ndërsa nga ana tjetër Andriy Lunin reagoi mirë ndaj një rasti të Marcos Llorente.

Megjithatë, ishin miqtë që goditën të parët. Ademola Lookman kaloi Atleticon në avantazh pas një aksioni të ndërtuar nga Matteo Ruggeri dhe Giuliano Simeone.

Në pjesën e dytë, “Los Blancos” përmbysën gjithçka brenda pak minutash. Fillimisht, Vinícius Júnior barazoi nga pika e bardhë, ndërsa më pas Federico Valverde shënoi për 2-1 pas një gabimi në mbrojtjen mike.

Atletico reagoi sërish me një supergol nga Nahuel Molina, por festa e tyre zgjati pak.

Vetëm pesë minuta më vonë, Vinícius realizoi një gol spektakolar nga distanca, duke vulosur fitoren e madrilenëve.

Në minutat e fundit nuk mungoi drama, me Jude Bellingham që u rikthye nga dëmtimi dhe Federico Valverde që u ndëshkua me karton të kuq.

Pavarësisht presionit të madh, skuadra e drejtuar nga Álvaro Arbeloa rezistoi deri në fund.

Me këtë fitore, Real Madridi afrohet në vetëm katër pikë nga kryesuesit e Barcelonës, ndërsa Atlético Madrid mbetet në vendin e katërt në renditje.

https://streamin.link/v/c38f06af

https://streamin.link/v/20ad8e79

https://streamin.link/v/feb10ab3

🇪🇸🔴⚪️ Real Madrid 2-2 Atlético de Madrid | LaLiga de España

UNA LOCURA, INCREÍBLE ZAPATAZO DE NAHUEL MOLINA PARA EMPATAR EN EL BERNABEU 🇦🇷💥pic.twitter.com/xdvGMQQ3Gc

— Ligas Top del Fútbol (@LigasTopFutbol) March 22, 2026

GOAL VINICIUS FOR REAL MADRID 3-2!
pic.twitter.com/D1skGO0J7C

— 𝖥𝖺𝗌𝗍 𝖦𝗈𝖺𝗅𝗌 (@iF29s) March 22, 2026