Me Botërorin 2026 që po afron, shumë ‘yje’ të rinj si Lamine Yamal, Estevao apo Joao Neves do të bëjnë debutimin e tyre. Por një pjesë e vogël e lojtarëve të Botërorit të 2006, tashmë legjendarë, vazhdojnë të jenë aktivë dhe mund t’i shohim edhe këtë verë në fushë.

Lionel Messi (38 vjeç, Argjentinë, Inter Miami)

Në Botërorin e 2006 luajti 3 ndeshje, shënoi 1 gol dhe dha 1 asist. Për Botërorin e 2026 pritet të jetë titullar, teksa ka shënuar 8 gola dhe ka dhënë 3 asistime në kualifikime.

Cristiano Ronaldo (41 vjeç, Portugali, Al-Nassr)

Në 2006 luajti 6 ndeshje dhe shënoi 1 gol. Për Botërorin e 2026 mbetet pjesë kyçe e Portugalisë, me 5 gola në 5 ndeshje kualifikuese.

Luka Modric (40 vjeç, Kroaci, AC Milan)

Në 2006 luajti 2 ndeshje. Tashmë është titullar te Milani dhe një nga lojtarët më të rëndësishëm për Kroacinë, me 1 gol dhe 2 asistime në kualifikime.

Guillermo Ochoa (40 vjeç, Meksikë, AEL)

Në 2006 nuk luajti asnjë minutë. Për 2026, mund të jetë pjesë e skuadrës, por më shumë pritet të qëndrojë si rezervë.

Lukas Podolski (40 vjeç, Gjermani, Gornik Zabrze)

Aktualisht luan në Poloni, por nuk pritet të marrë pjesë në Botërorin e 2026.

Lukasz Fabianski (40 vjeç, Poloni, West Ham)

Nuk ka shanse të luajë në Botëror; ka qenë vetëm një herë aktiv këtë sezon.

Roque Santa Cruz (44 vjeç, Paraguai, Nacional Asunción)

Në 2006 luajti 3 ndeshje dhe dha 1 asist. Nuk pritet të jetë pjesë e Botërorit 2026.

Vladimir Stoykovich (42 vjeç, Serbi dhe Mali i Zi, Chukarichky)

Në 2006 nuk luajti asnjë minutë dhe nuk pritet të jetë në Botërorin e ardhshëm.

Përveç tyre, disa ish-lojtarë të Botërorit 2006 vazhdojnë aktivitetin në nivele më të ulëta ose amatore, duke treguar se pasioni për futbollin nuk njeh moshë.

Në krye të listës mbeten Messi, Cristiano Ronaldo dhe Modric, që edhe pas 20 vitesh janë ende të paprekshëm për kombëtaret e tyre.