Futbolli italian ka arritur një pikë të ulët historike në Evropë. Me eliminimin e Atalantës nga UEFA Champions League këtë sezon, mundësia për të rikthyer trofeun në Serie A humbi edhe këtë herë, duke theksuar një seri shqetësuese: 16 sezonet radhazi pa asnjë fitore italiane në kompeticionin më të madh europian për klube.

Kjo është periudha më e gjatë negative në histori, duke kaluar edhe periudhën 1969–1984, kur klubet italiane qëndruan pa trofe për 15 vjet. Suksesi i fundit italian daton nga sezoni 2009/10, kur Interi arriti ‘Tripletën’ historike, duke mundur Bayernin 2-0 në finale, me dy gola vendimtarë të Diego Militos.

Megjithatë, mundësitë nuk kanë munguar gjatë kësaj periudhe. Katër herë një ekip italian ka arritur finale, pa mundur të fitojë: Juventusi dy herë (2015 dhe 2017) dhe Interi dy herë (2023 dhe 2025).

Kjo "mungesë fitoreje" nxjerr në pah vështirësitë strukturore të futbollit italian krahasuar me ligat e mëdha evropiane dhe riaktivizon diskutimin për nevojën e reformave për ta bërë Serinë A përsëri konkurruese në nivelin më të lartë.

Futbolli italian duhet të gjejë mënyra për të rikthyer fuqinë e dikurshme, përndryshe ky rekord negativ mund të vazhdojë gjatë.