Një video që po bën xhiron e rrjeteve sociale ka ndezur polemika të forta në futbollin afrikan. Trajneri i Senegalit, Pape Thiaw, është shfaqur duke mbajtur trofeun e Kupa e Afrikës nën një mbrojtje të fortë ushtarake, në një mesazh të qartë sfidues ndaj CAF.

Në pamjet virale, Thiaw shihet i rrethuar nga ushtarë të armatosur, sikur po ruante një objekt me vlerë të jashtëzakonshme. Gjesti duket si një ironi e drejtpërdrejtë ndaj vendimit të fundit të CAF-it, që i hoqi Senegalit titullin e fituar në vitin 2025.

🚨BREAKING: Senegal Coach took the AFCON to their military base today..🏆🇸🇳

It’s now positioned in the centre of their military camp.

Protecting what rightfully belongs to them…😅
pic.twitter.com/z2pbzxuGEw

— Topskills Sports UK (@topskillsportuk) March 19, 2026

Fillimisht, Senegali kishte triumfuar 1-0 ndaj Marokut në finale, pas një goli vendimtar të Pape Gueye në kohën shtesë. Ndeshja u shoqërua me tensione të mëdha, sidomos pas një penalltie të diskutueshme për Marokun, që çoi edhe në një reagim të fortë të skuadrës senegaleze.

Megjithatë, vendimi i mëvonshëm i CAF-it tronditi gjithçka: Senegali u shpall humbës në tavolinë 3-0 me arsyetimin se kishte braktisur fushën, duke i dhënë titullin Marokut në mënyrë retrospektive.

Ky zhvillim ka shkaktuar zemërim të madh në Senegal. Federata FSF e ka cilësuar vendimin “të padrejtë dhe të papranueshëm” dhe ka paralajmëruar apel në Gjykata e Arbitrazhit Sportiv në Lozanë.

Sipas ekspertëve, Senegali ka argumente të forta ligjore, pasi rrallëherë vendimet e arbitrave në fushë ndryshohen nga organet e apelit. Ndërkohë, videoja e Thiaw është kthyer në simbol të revoltës: një mesazh i fortë se, pavarësisht vendimeve zyrtare, për senegalezët trofeu i fituar në fushë mbetet i tyre dhe duhet “mbrojtur” me çdo kusht.