Pas disa ditësh spekulimesh mbi marrëdhëniet jo gjithmonë idilike mes Massimiliano Allegri-t dhe drejtuesve të Milanit, ka dalë një lajm i ri që mund t’i shqetësojë tifozët kuqezi. Sipas ‘Corriere dello Sport’, Real Madridi po planifikon një tjetër tentativë për të marrë trajnerin italian, për herë të tretë pas tentativave të viteve 2019 dhe 2021.

Historikisht, presidenti i Realit, Florentino Pérez, ka shfaqur admirimin e tij për menaxherin e kampionëve që është Allegri dhe këtë herë, pas eksperiencës me Arbeloa-n, ai po konsideron rikthimin e një “sigurie” në stolin madrilen. Tentativa e parë në 2019 dështoi për shkak të mungesës së marrëveshjes, ndërsa në 2021 Allegri kishte arritur akordin mbi kontratën, por u bind nga mikut i tij Andrea Agnelli të kthehej tek Juventusi.

Sot, situata tek Milani duket komplekse, me disa frikëra për mosmbajtjen e premtimeve në merkato dhe paqartësi mbi prioritetet mes aspektit teknik, të përfaqësuar nga Allegri dhe drejtorit sportiv Tare, dhe aspekteve financiare të menaxhuara nga administratori Giorgio Furlani. Megjithatë, trajneri italian gëzon mbështetje të plotë në Milano, nga drejtuesit dhe tifozët, gjë që e bën të komplikuar një largim drejt Madridit.

Pavarësisht kësaj, emri i Allegri mbetet kryesor në listën e Florentinos për një projekt ambicioz në stolin e Real Madridit, duke bërë që situata të monitorohet me kujdes në muajt e ardhshëm për të parë nëse do të ketë një tentativë reale për të marrë trajnerin e suksesshëm italian në qershor.