Xavi Hernandez vazhdon të marrë mesazhe mbështetjeje dhe dashurie pasi përfundoi eksperiencën e tij si trajner i ekipit të parë të Barçës (në fakt, pasi u shkarkua nga ai pozicion prej Laportës).

Një nga më të fundit që donte të “pagëzonte” trashëgiminë e trajnerit në ikje blaugrana ishte miku dhe ish-shoku i tij i skuadrës, Andres Iniesta.

Futbollisti aktual i Emirates FC ndau një mesazh mirënjohjeje për Xavi dhe vuri në dukje se mezi pret që trajneri nga Terrassa të marrë frenat e një projekti tjetër.

“Punë të mbarë, mik. Me siguri do të ktheheni, do t’ju shohim në një tjetër stol së shpejti”, – ka publikuar Iniesta në rrjetet e tij sociale, duke bashkangjitur një imazh me Xavi nga miqësorja mes Barçës dhe Vissel Kobe.

Xavi Hernandez dhe Andres Iniesta ndanë dhomën e zhveshjes për shumë vite te Barça dhe kombëtarja spanjolle.

Ata ruajnë një marrëdhënie të shkëlqyer personale, çka bëhet tejet evidente me mesazhin e dashur nga futbollisti ende aktiv, me rastin e lamtumirës së katalanasit nga pankina e Barçës.