Policia Kombëtare Kolumbiane, nëpërmjet zëvendësdrejtorit Alejandro Zapata, raportoi këtë të martë se personat e përfshirë në rrëmbimin e prindërve të Luis Diaz tashmë janë identifikuar Rrëmbimi nuk ka qenë i rastësishëm dhe hetimi po zhvillohet në bazë të këtij informacioni:

“Jemi të qartë për personat që mund të jenë të lidhur me situatën. Kur ndodhin situata si këto, zakonisht nuk është spontane, ka planifikim paraprak, ata i çojnë njerëzit në një vend ku të tjerët janë tashmë atje, dhe kjo është ajo që ne po hetojmë”.

Mundësia që Luis Manuel Diaz të ketë kaluar kufirin me Venezuelën është një skenar për t’u marrë parasysh:

“Ajo që dimë është se rrëmbimi ndodhi në La Guajira dhe është afër kufirit. Nuk mund ta themi, por as nuk e përjashtojmë, që rrëmbyesit të ketë kaluar kufirin. Ka shumë të ngjarë që të jenë arratisur në Venezuelë”.