Trajneri i kombëtares shqiptare të futbollit, Sylvio Mendes Campos Junior, i njohur si Silvinjo, ka korrur sukses deri më tani në karrierë, pasi është në rrugë të mbarë për kualifikimin në kampionatin EURO 2024.

Por përveç suksesit në sport, Sylvinho duket se ka gjetur sukses edhe në dashuri, ku ka krijuar një marrëdhënie të shëndetshme.

Ndonëse prej një viti është zhvendosur në Shqipëri, ai gjithmonë gjen kohë për të qenë pranë familjes, bashkëshortes dhe dy fëmijëve.

Vajza e trajnerit, Tati Mendes, ka filmuar çastet e bukura familjare dhe i ka shpërndarë ato në rrjetet e saj sociale herë pas here.

Në këto statuse, Silvinjo shfaqet shumë i afërt me bashkëshorten e fëmijët, ndërsa nuk ngurrojnë të shprehin dashurinë, siç mund ta shihni në fotot e mëposhtme.