Philiphe Coutinho ishte një nga emrat më të lakuar në këtë merkato. Braziliani i Aston Villas ishte i kërkuar në Katar dhe së fundmi vjen edhe zyrtarizimi tek klubi i Al-Duhail. Transferimi në Katar u bë i mundur nëpërmjet huazimit, i cili do të jetë i vlefshëm vetëm për një sezon.

Ishte vetë klubi i Aston Villas që zyrtarizoi lajmin për Coutinhon. Kujtojmë se ish-lojtari i Barcelonës e nisi mirë aventurën me Aston Villan, madje shënoi në debutim kundër Manchester United, por më pas rëndësia e tij në skuadër nisi të “zbehej”. Tashmë, Coutinho do të provojë një eksperiencë të re në një tokë të pashkelur më parë.