Ish-mbrojtësi i kombëtares shqiptare, Arlind Ajeti u transferua në muajin korrik nga Pordenone te rumunët e Cluj, klub me të cilin firmosi një kontratë 2-vjeçare.
Ajeti gjeti tek ekipi i ri Ermal Krasniqin, ish-sulmuesin e Ballkanit.
Cluj u eliminua nga turqit e Adanasporit në raundin e dytë të Conference League.
Sfida në Rumani përfundoi në barazim 1-1, ndërkohë që turqit fituan 2-1 përballjen e kthimit, duke siguruar edhe avancimin në turneun europian.
29-vjeçari e luajti të plotë ndeshjen kundër skuadrës së Patrick Kluivert, duke qenë një nga lojtarët më të mirë në fushë.
Performanca pozitive e Ajetit (21 ndeshje dhe një gol me kombëtaren kuqezi) tërhoqi vëmendjen e presidentit të Adanasporit.
Kreu i klubit turk, Murat Sancak zbriti në fushë sapo mbaroi ndeshja dhe iu afrua mbrojtësit shqiptar, të cilin e komplimentoi për takimin e zhvilluar.
Pas përgëzimeve erdhi edhe “urdhri” kundrejt drejtorit sportiv të klubit: “Ne duhet ta transferojmë këtë futbollist!”.
© SYRI.net
Gjimshiti fiton derbin e shqiptarëve, Atalanta zyrtarisht në Champions
Leverkusen shkruan historinë, mbyll sezonin pa asnjë humbje
Bundesliga/ Verdiktet finale të këtij edicioni, Bayern e mbyll i 3-tiBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
