Atalanta sfidon Interin për Scamaccën. Zikaltrit janë ndalur te oferta 24 milionë euro plus bonuset për sulmuesin, teksa së fundi janë futur në garë edhe bergamaskët, që janë treguar të gatshëm të ofrojnë më shumë se Interi.

Shifra nuk bëhet e ditur ende, por përfshirja në garë e Atalantës ka vënë në dyshim edhe vetë Scamaccën, që tashmë po mendon edhe një transferim në klubin bergamask.

Përfshirja e Atalantës rrezikon të kthejë transferimi e sulmuesit italian në një ankand ku shifra vetëm mund të rritet, ndaj te Interi po mendojnë të dalin menjëherë nga gara dhe të kthehen në pista si Balogun apo Beto.

Kujtojmë që zikaltrit kanë në dispozicion vetëm Lautaro Martinez dhe Marcus Thuram në sulm, duke qenë se argjentinasi Correa nuk bën pjesë në planet e Inzaghit dhe mund të shitet me ofertën e duhur.